Ramiro Vidal Alvarinho nasceu em Ferrol o 12 de março de 1973.
A sua infáncia transcorre entre Narom, Ferrol, Mántaras e Valdovinho.
Tem umha ediçom em solitário; o livro electrónico Mares de Queijo, editado pola Associaçom Galega da Língua (AGAL). Também participou em três ediçons colectivas em papel: um compilatório da Burla Negra (secçom da plataforma Nunca Mais) um caderno editado pola organizaçom estudantil AGIR, em apoio ao estudante repressaliado nos protestos contra a LOU Alexandre Fernandes e o conmemorativo dos dez anos do partido comunista patriótico Primeira Linha, Dez por Dez.
Participou em várias ediçons do Festival da Terra e a Língua, no lugar de Pedroso, em Narom; numha ediçom de Poetas na Rua, evento organizado anualmente polo Concelho de Poio; assim como em recitais de apoio a centros sociais ou livrarias (Ocupa da Ria, Centro Social Atreu, livraria Cervantes de Vigo...) Também tem participado em vários filo-cafés organizados polo colectivo português Incomunidade.
Partilha cenário com poetas como Alberte Momán, Igor Lugrís, Yolanda Castaño, Elvira Riveiro, Alícia Fernández, Estíbaliz Espinosa, Rosanegra, Cruz Martínez, María Lado, Marta Dacosta, Kiko Neves, Emma Pedreira Lombardía, Miguel Vento, Celso Álvarez Cáccamo, Pedro Casteleiro, Mário Herrero, Mário Regueira, Concha Roussia, e um longuíssimo etcétera.